Majalisar Dattawa Za Ta Yi Zaman Gaggawa Ranar Talata
[ad_1]
Majalisar Dattawa za ta gudanar da zaman gaggawa a ranar Talata, 10 ga watan Fabrairu, 2026, inda za a fara zaman da misalin ƙarfe 12 na rana kamar yadda rahoton Aminiya ya bayyana.
Shugaban Majalisar Dattawa, Sanata Godswill Akpabio, ya bayar da umarnin ga dukkanin sanatoci da su koma Majalisa domin halartar zaman na gaggawa.
- Majalisar Ƙoli Kan Shari’ar Musulunci Ta Sake Neman A Cire Shugaban INEC
- Ɗan Majalisar NNPP Ɗaya Tilo A Bauchi Ya Sauya Sheƙa Zuwa APC
An kira zaman ne kwanaki kaɗan bayan Majalisar Dattawa ta ƙi amincewa da ƙudirin da ke neman a riƙa tura sakamakon zaɓe ta hanyar lantarki, matakin da ya janyo muhawara a sassa daban-daban na ƙasar.
A wata sanarwa da Magatakardar Majalisar Dattawa, Emmanuel Odo, ya fitar, an jaddada cewa halartar zaman wajibi ne ga dukkan sanatoci, tare da tabbatar da cewa za a fara zaman daidai ƙarfe 12 na rana.
[ad_2]
Source link
