Daftarin Shirin Raya Kasa Na Shekaru Biyar Biyar Karo Na 15 Ya Shaida Raya Sabbin Sha’anin Kasar
[ad_1]
A yau Asabar 7 ga wata, shugaban sashen kirkire-kirkire da fasahohin zamani, na kwamitin raya kasa da yin kwaskwarima na kasar Sin Bai Jingyu, ya bayyana a gun taron manema labaru da ofishin watsa labaru na majalisar gudanarwar kasar Sin cewa, daftarin shirin raya kasa na shekaru biyar biyar karo na 15, ya shaida tsarin raya sha’ani daban daban, da kafa tsarin raya sabbin sha’ani bisa manyan tsare-tsare da hangen nesa.
A halin yanzu, ya kamata a ci gaba da raya sabbin sha’ani, kamar fasahohin sadarwa da sabbin makamashi da sauransu, da raya tsarin sha’ani bisa yanayin da ake ciki, da amfani da fifikonsu yadda ya kamata.
Har ila yau, za a yi kokari wajen raya sabbin sha’ani masu muhimmanci, kamar su kirar matattarar bayanai ta microchip, da kimiyyar kiwon lafiya, da binciken sararin samaniya da sauransu, don raya su zama sabbin jigon raya tattalin arzikin kasar.
A nan gaba kuma, za a maida hankali ga sabbin sha’ani kamar su fasahohin Quantum, da fasahohin hada kwakwalwa da na’urori, da fasahohin mutum-mutum inji da sauransu, don raya su a matsayin jigon sha’ani na nan gaba. (Zainab Zhang)
[ad_2]
Source link
