Yadda ‘Yan Ta’adda Suka Rusa Wata Muhimmiyar Gada A Jihar Neja
[ad_1]
Wasu da ake zargin ‘yan ta’adda ne sun tayar da bam a kan gadar Luma a Karamar Hukumar Borgu, Jihar Neja, a ranar Litinin, a wani yunkuri na hana wa sojoji motsi yayin ayyukan yaki da ta’addanci.
Daily Trust ta ruwaito cewa lamarin ya faru da misalin karfe 2 na dare. Majiyoyi sun ce gadar da abin ya shafa ta hada al’ummomin Luma, Babana, da Agwara, wadanda suka fuskanci hare-hare akai-akai a ‘yan kwanakin baya.
- Kasar Sin: Ya Kamata A Karfafa Wa Amurka Da Iran Gwiwar Komawa Teburin Sulhu
- Yadda Takarar Obi Ta Zama Kamar Wani Wasan Barkwanci
Mazauna wurin sun kuma bayyana cewa rushewar gadar ta hana harkokin kasuwanci a babbar kasuwar Babana da ake gudanarwa dukkanin Litinin, saboda da yawa daga cikin ‘yan kasuwa ba su iya isa wurin ba.
Mai magana da yawun Kungiyar ‘Yansanda ta Jihar Neja, SP Wasiu Abiodun, ya tabbatar da faruwar lamarin.
Ya ce masu kai harin, wadanda ake zaton suna aiki daga Gandun Kasa na Kainji, sun yi amfani da na’urar fashewa (IED) wajen lalata gadar.
A cewarsa: “A ranar 23 ga Maris, 2026 da misalin karfe 6:30 na safe, an samu rahoto cewa da misalin karfe 2:00 na dare ranar, wasu ‘yan ta’adda daga gandun dajin sun yi amfani da na’urar fashewa wajen tayar da bam a gadar Luma a Karamar Hukumar Borgu, da ta hada al’ummomin Luma, Babana, da Agwara.
An lalata gadar a wani yunkuri na kawo cikas ga ayyukan tsaro a wurin. Ana ci gaba da sa ido, yayin da ayyukan tsabtace wurin suka karu.”
A lokaci guda, wakilinmu ya samu labarin cewa wata motar kasuwanci da ke dauke da fasinjoji takwas ta taka wani IED a hanyar Nuku-Woro, wanda ya kashe dukkan na ciki.
Mazauna wurin sun ce na’urar fashewar na iya zama abin da ‘yan fashin suka dasa.
Sai dai, mai magana da yawun ‘yansandan bai yi tsokaci kan mutuwar fasinjojin takwas ba.
[ad_2]
Source link
