Yaƙin Iran Zai Asassa Tashin Farashin Man Fetur A Nijeriya

[ad_1]

Yaƙin da ke gudana tsakanin Iran da Amurka tare da Isra’ila na ƙara tsananta.

Wannan rikici na iya shafar farashin man fetur a Nijeriya da ma duniya baki ɗaya.

• Manufofin Farfaɗo Da Noma Ne Ya Karya Farashin Kayan Abinci – Minista
• Sojoji Sun Kama Manyan Ƙunshin Tabar Wiwi 296 A Jihar Ogun

Farashin mai ya fara tashi

Saboda rikicin, farashin gangar ɗanyen mai ya ƙaru da kusan kashi 4.

A ranar Talata, an sayar da ganga ɗaya kan dala 80 wanda shi ne mafi tsada tun farkon wannan shekarar nan.

Masana sun ce idan rikicin ya ci gaba, farashin zai iya ƙara tashi.

Mashigar Hormuz ta zama matsala

Mashigar Hormuz wata muhimmiyar hanya ce da ake bi wajen safarar man fetur daga yankin Gabas ta Tsakiya zuwa sauran sassan duniya.

Kimanin kashi 20 na man fetur na duniya na wucewa ta wannan mashiga. Iran ta yi barazanar rufe mashigar, kuma ta ce za ta kai hari kan duk jirgin ruwan da ya kuskura ya bi ta ciki.

Idan aka rufe mashigar, hakan zai janyo babbar matsala ga tattalin arziƙin duniya.

Yadda hakan zai shafi Nijeriya

Nijeriya ita ce ƙasar da ta fi fitar da ɗanyen mai a Afirka. Amma duk da haka, farashin mai a cikin gida yana bin farashin kasuwar duniya.

Masanin makamashi Farfesa Ahmed Adamu ya ce duk da cewa Nijeriya na samar da mai, idan farashi ya tashi a duniya, farashin litar mai da gas a cikin gida ma zai tashi.

Ya ce:

• Idan an sayar wa matatun mai ɗanyen mai da tsada,
• Su ma za su sayar da man da suka tace da tsada,
• Daga ƙarshe al’umma za su saya da tsada.
• Wannan na iya janyo tashin farashin sufuri da kayan masarufi.

Waɗanne ƙasashe za su fi shan wahala?

Ƙasashen Asiya kamar China, Indiya, Japan da Koriya ta Kudu su ne suka fi sayen man da ke bi ta Mashigar Hormuz.

Idan aka datse mashigar, ƙasashen Larabawa da na Asiya za su fi fuskantar matsala fiye da Turai da Amurka.

Gwamnati za ta iya hana tashin farashi?

Masana sun ce gwamnati ba za ta iya dakatar da tashin farashin ba, domin kasuwar mai a buɗe take.

Duk abin da ya faru a kasuwar duniya, yana shafar farashin cikin gida.

Idan yaƙin ya ci gaba ko kuma aka rufe Mashigar Hormuz, farashin man fetur zai iya ƙara tashi a duniya.

Hakan kuma zai shafi Nijeriya ta fuskar farashin mai, sufuri da al’amuran yau da kullum.

[ad_2]

Source link