Sanata Akwashiki ya rasu a ƙasar Indiya
[ad_1]
Sanata Godiya Akwashiki, wanda ke wakiltar Nasarawa ta Arewa, ya rasu yana da shekara 52 a wani asibiti a ƙasar Indiya.
Sanatan ya daɗe yana fama da rashin lafiya, inda yake ziyartar Indiya don neman magani.
An haifi Akwashiki a ranar 3 ga watan Agustan 1973, a Angba Iggah, Nasarawa Eggon.
Ya yi aiki a wurare daban-daban kafin daga bisani ya zama ɗan siyasa.
Kafin ya zama Sanata a shekarar 2019 ƙarƙashin jam’iyyar APC, ya riƙe muƙamin Shugaban Marasa Rinjaye da Mataimakin Shugaban Majalisar Dokokin Jihar Nasarawa.
An sake zaɓarsa a matsayin Sanata a shekarar 2023 a jam’iyyar SDP.
Hadimin Sanata Ajegena, Likita Ibrahim ne, ya tabbatar da rasuwar Akwashiki.
Hadimin ya ce suna tuntuɓar iyalan Akwashiki a Indiya, amma har yanzu ba a fara shirye-shiryen dawo da gawarsa Najeriya don yi masa jana’iza ba.
Masu alaƙa
[ad_2]
Source link
