An Yi Taron Karatun Sinanci Na Duniya Na 2025 A Beijing
[ad_1]
An yi taron karatu na Sinanci na duniya na 2025 a Beijing daga ranar 14 zuwa 16 ga wannan wata. Taron ya samu mahalarta kusan mutane 2000 da suka fito daga fiye da kasashe da yankuna 160, wadanda suka hada da wakilan hukumomin ilimi, shugabannin makarantun jami’a na kasar Sin da na kasashen waje, da jakadun kasashen waje da ke zaune a Sin.
A wani bangare na taron da aka kira da “Musanyar ra’ayi tsakanin al’adu na Sin da na duniya da koyar da kwararru masu binciken Sin”, cibiyar hadin kan harsuna da musanyar ra’ayoyi tsakanin Sin da duniya na ma’aikatar ilimi ta Sin ta sanar da kafuwar cibiyar kwararrun matasa masu binciken al’adun Sinawa ta kasa da kasa. Kungiyar ta karbi jerin dalibai matasa a zagaye na farko na “Sabon shirin koyon al’adun Sinawa” daga kasashe da yawa, wadanda za su rika haduwa a-kai-a-kai don tattaunawa game da koyon Sinanci, da binciken al’adun Sin, da musanya ra’ayoyi tsakanin al’adu na Sin da na duniya. Wanna shiri shi ne sabon tsarin da aka yi don koyar da sabbin matasa masana al’adun Sinawa a ketare. Tun daga shekarar 2013 har zuwa yanzu, shirin ya koyar da dubun kwararru a wannan bangare.
Ban da wannan kuma, yayin taron, an gabatar da tsarin jarrabawar matakin Sinanci na HSK 3.0, wanda ya habaka matakan koyon Sinanci daga mataki na 6 zuwa na 9. A lokaci guda kuma, an fitar da dandamalin koyon Sinanci ta hanyar fasahohin zamani masu yawa.(Amina Xu)
[ad_2]
Source link
